Updated on:
தமிழக சட்டப்பேரவைத் தேர்தலில் தவெக 105+ தொகுதிகளை வசப்படுத்தி தனிப்பெரும் கட்சியாக உருவெடுத்துள்ளது. இரண்டாம் இடத்தில் உள்ள திமுக கூட்டணிக்கு 74 தொகுதிகளும், மூன்றாம் இடத்தில் உள்ள அதிமுக கூட்டணிக்கு 53 தொகுதிகளும் மட்டுமே வசமாகின்றன
இந்த நிலையில் தமிழக வெற்றிக் கழகத்தின் தலைவர் விஜய்க்கு திரையுலக பிரபலங்கள் பலரும் வாழ்த்து தெரிவித்துள்ளனர்.
ரஜினிகாந்த்: நடந்து முடிந்த தமிழக சட்டமன்றத் தேர்தலில் பெரும் வெற்றி பெற்ற தமிழக வெற்றிக் கழகத் தலைவர் திரு விஜய் அவர்களுக்கும், அவர் கட்சியினருக்கும் என்னுடைய வாழ்த்துகள்
கமல்ஹாசன்: தங்களுடைய முதல் தேர்தலிலேயே மக்களுடைய நம்பிக்கையைப் பெற்று பெருவெற்றி பெற்றிருக்கும் தமிழக வெற்றிக் கழகத்தின் தலைவர் திரு. விஜய் அவர்களுக்கும், அவரது கட்சியினருக்கும் என்னுடைய பாராட்டுகள். மக்கள் பணி சிறக்க என்னுடைய வாழ்த்துகள்
சூர்யா: மக்களின் அன்பும் ஆதரவும் கிடைப்பது வரம். நண்பர் விஜய் மீது தமிழ்நாடு பெரிய நம்பிக்கை வைத்திருக்கிறது. தமிழக அரசியலில் புதிய அத்தியாயத்தை தொடங்கவிருக்கும் அவருக்கு என் மனப்பூர்வமான வாழ்த்துகள்.
கார்த்தி: மனமார்ந்த வாழ்த்துகள், விஜய் சார். மக்கள் உங்கள் மீது கொண்டுள்ள அளப்பரிய அன்பும் நம்பிக்கையும் இணைந்து ஈட்டியுள்ள இந்த வெற்றி உண்மையிலேயே வரலாற்றுச் சிறப்புமிக்கது. நமது மக்களுக்கான உங்கள் கனவுகளையும் தொலைநோக்குத் திட்டங்களையும் நிறைவேற்றுவதற்கு எல்லாம் வல்ல இறைவன் உங்களுக்குத் துணையாக இருக்கப் பிரார்த்திக்கிறேன்.
சிவகார்த்திகேயன்: போட்டியிட்ட முதல் தேர்தலில் இவ்வளவு பெரிய தாக்கத்தை மக்கள் மத்தியில் ஏற்படுத்தி இந்த வெற்றியை பெற்றிருக்கும் விஜய் சாருக்கு வாழ்த்துகள். நீங்கள் திரைத்துறையை சார்ந்தவர் என்பதில் கூடுதல் மகிழ்ச்சி, மக்கள் பணி சிறக்க வாழ்த்துகள்
ஏ.ஆர்.ரஹ்மான்: அன்புள்ள விஜய் அவர்களுக்கு, ஊழலற்ற அரசியல், சமூக நீதி, சமத்துவம் ஆகியவற்றை முன்னிறுத்தி, தமிழ்நாட்டை முன்னணிக்கு கொண்டு செல்லும் சிறந்த தலைவராகநீங்கள் உயர, வளர வாழ்த்துகள். பிளவுகளை மறுக்கும் அரசியல் பண்பாட்டுடன், தமிழையும் தமிழரையும்கொண்டாடும். சென்னை நகரத்தை கலை மற்றும் செழிப்பு நிறைந்ததாக மாற்றும் பயணமாக உங்கள் பணி சிறக்கட்டும்
மகேஷ்பாபு: புதிய மைல்கற்களைப் படைத்து, பிரமிக்கத்தக்க வெற்றியைப் பெற்றுள்ள நடிகர் விஜய்க்கு மனமார்ந்த வாழ்த்துகள்! இன்று கிடைத்துள்ள இந்த வெற்றி, மக்கள் உங்கள் மீது வைத்துள்ள அளப்பரிய நம்பிக்கையைப் பிரதிபலிக்கிறது. இந்த வெற்றி தமிழகத்திற்கு அர்த்தமுள்ள முன்னேற்றமாக மாறும் என்று நான் உறுதியாக நம்புகிறேன்.
நானி: முதலில் சந்தேகிக்கப்பட்டு, பின் மகுடம் சூட்டப்பட்டிருக்கிறது. இது எங்கள் வீட்டில் (மாநிலத்தில்) நடந்தது, இப்போது எங்கள் அண்டை வீட்டிலும் நடக்கிறது. அடிமட்டத்திலிருந்து ஒருவர் வெற்றி பெறுவது என்பது எப்போதும் ஒரு முழுமையான சினிமா போன்றது (அல்லது ஒரு முழுமையான அரசியல் என்று சொல்லலாமா?) தங்கள் முடிவைத் தெளிவாகத் தெரிவித்துள்ள தமிழக மக்களுக்கு, இதன் மூலம் நல்ல பல நன்மைகள் தொடரும் என நம்புகிறேன்.
சிரஞ்சீவி: அன்புள்ள விஜய், உங்களது முதல் தேர்தலில் கிடைத்துள்ள இந்த சிறப்பான மற்றும் தகுதியான வெற்றிக்கு எனது மனமார்ந்த வாழ்த்துகள். தளராத ஆர்வத்தோடும் நோக்கத்தோடும் நீங்கள் தொடர்ந்து மக்களை ஊக்கப்படுத்தவும், வழிநடத்தவும், சேவை செய்யவும் வேண்டுகிறேன். தமிழகத்திற்கும் அதன் மக்களுக்கும் நீங்கள் ஆற்றவிருக்கும் பொதுப்பணிக்கு எனது மேலான வாழ்த்துகள்.
தனுஷ்: களத்துக்கு வந்து போட்டியிட்ட முதல் தேர்தலிலேயே தமிழ்நாட்டு மக்களின் பெரும் ஆதரவையும் அன்பையும் பெற்று ஆட்சியமைக்கவிருக்கும் திரு. விஜய் சார் அவர்களுக்கும் தமிழக வெற்றிக் கழகத்துக்கும் என் மனமார்ந்த வாழ்த்துகள்
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。