Updated on
:
2 min read
ஒரு கேள்வியுடன் தொடங்கலாம். காலையில் குளிக்கும் சோப்பின் நறுமணம் உங்களைப் புத்துணர்வாக உணர வைக்கிறது. சாப்பிடும் பிஸ்கட்டில் வெண்ணெய் சுவை நாவில் கரைகிறது. ஷாம்புவில் மல்லிகை வாசம் வீசுகிறது.
இவை எல்லாம் தானாக வருவதில்லை. நம் கவனத்துக்கு வராத ஒரு தனிப்பட்ட அறிவியல் துறையே இவற்றை உருவாக்குகிறது. அதுதான் பெர்ஃபியூமெரி - ஃபிளேவர் டெக்னாலஜி (Perfumery & Flavour Technology).
இந்தத் துறையில் பயிற்சி பெற்ற வர்கள்தான் நம் அன்றாட வாழ்க்கையை வாசனையாகவும் சுவையாகவும் மாற்றுகிறார்கள். ஆனால், இவ்வளவு முக்கியமான இந்தத் துறையைப் பற்றி தமிழ்நாட்டு மாணவர்களிடம் விழிப்புணர்வு குறைவாகவே உள்ளது.
வாசனை விஞ்ஞானி யார்?
நறுமணங்களை உருவாக்கும் அறிவியலாளர் ‘பெர்ஃபியூமர்’ (Perfumer) என்றும் சுவைகளை உருவாக்குபவர் ‘ஃபிளேவரிஸ்ட்’ (Flavourist) என்றும் அழைக்கப் படுகிறார்கள். இவர்கள் ‘தி நோஸ்’ (The Nose) என்று மரியாதையுடன் குறிப்பிடப்படுகிறார்கள். ஏனெனில், இவர்களின் முக்கிய ஆயுதம் மூக்கு.
ஒரு திறமையான பெர்ஃபியூம ரால் 2,000 முதல் 3,000 வரையிலான வாசனை மூலப்பொருள்களை மூக்கின் உதவியால் மட்டுமே அடையாளம் காண முடியும். இந்தத் திறனைப் பெற பல ஆண்டுகள் கடுமை யான பயிற்சி தேவைப்படுகிறது. நாம் அனுபவிக்கும் வாசனைகளும் சுவைகளும் எளிமையானவை அல்ல.
ஒரு சாக்லெட்டின் மணம் 600க்கும் மேற்பட்ட வேதிப்பொருள்களின் கலவை. அதேநேரம் புதினா சுவை ‘மென்தால்’ என்கிற ஒரே மூலப் பொருளால் உருவாகிறது. ரோஜாவாசம் இயற்கையில் இருந்து எடுக்கப்படும் ‘ரோஸ் ஆட்டோ’ எண்ணெய்யிலிருந்து கிடைக்கிறது. இதனால், இது ஒரு கலை மட்டுமல்ல; அறிவியலால் உருவாக்கப்பட்ட கோடி ரூபாய் மதிப்புள்ள தொழில் துறையும்கூட.
என்ன படிக்கலாம்?
பெர்ஃபியூமெரி - ஃபிளேவர் டெக்னாலஜி படிப்பு வேதியியல், உயிரியல், உணவு அறிவியல், சந்தைப் படுத்துதல் ஆகிய பல துறைகளை ஒருங்கிணைக்கும் சிறப்புப் படிப்பாகும். இந்தத் துறை, நறுமணங்களையும் சுவைகளையும் அறிவியல்ரீதியாக உருவாக்கும் திறனை வளர்க்கிறது.
புதிய வாசனை உருவாக்குதல் (Fragrance Creation & Formulation), சுவைத் தொழில்நுட்பம் (Flavour Technology), மூக்கு - நாக்கின் அறிவியல் மதிப்பீடு (Sensory Evaluation), அழகுசாதன வேதியியல் (Cosmetics Chemistry), இயற்கை எண்ணெய்கள் அறிவியல் (Essential Oils Technology), சந்தைப்படுத்துதல் (Marketing Management), மருந்தியல் துறையில் (Pharmaceutical Industry) சுவைகளின் பயன்பாடு போன்றவை இந்தப் படிப்பில் கற்பிக்கப்படும் முக்கிய அம்சங்கள்.
மருந்து என்றாலே பலருக்கும் முதலில் நினைவுக்கு வருவது அதன் கசப்பான சுவைதான். குறிப்பாகக் குழந்தைகளை மருந்து குடிக்கச் சொல்வது சவாலான காரியம். இதை எளிதாக்குவதற்காகவே மருந்தியல் துறையில் ‘சுவைகள்’ முக்கியப் பங்கு வகிக்கின்றன.
பல மருந்துகள் இயல்பாகவே கசப்பாக இருக்கும். ஆனால், அவற்றில் ஆரஞ்சு, ஸ்ட்ராபெர்ரி, மாம்பழம் போன்ற பழச்சுவைகள் சேர்க்கப்பட்டால் அந்தக் கசப்பு குறைந்து, மருந்தை எளிதாக உட்கொள்ள முடியும். இதனால் குழந்தைகள்கூட மருந் தைத் தயக்கமின்றி உட்கொள் வார்கள்.
மருத்துவர் கூறியபடி மருந்து களை முறையாக உட்கொள்வது அவசியம். ஆனால், சுவை மோசமாக இருந்தால் பலர் அதைத் தவிர்க்க முயல்வார்கள். இந்தச் சிக்கலைத் தீர்க்கச் சில சுவைகள் உதவுகின்றன.
இரும்புச்சத்து, கால்சியம் போன்ற நீண்ட காலமருந்துகளிலும் நல்ல சுவையைச் சேர்ப்பதால், நோயாளிகள் அவற்றைத் தொடர்ந்து உட்கொள் வார்கள். மென்று சாப்பிடும் மாத்திரைகள், தொண்டைக்கான மாத்திரைகள் போன்ற பல மருந்துகளிலும் சுவைகள் முக்கியப் பங்கு வகிக்கின்றன.
இந்தியாவின் நிறுவனம்
1933ஆம் ஆண்டு மும்பையில் இன்ஸ்டிடியூட் ஆஃப் கெமிக்கல் டெக்னாலஜி (ICT) தொடங்கப்பட்டது. ஆசியாவிலேயே வேதியியல் தொழில் நுட்பக் கல்வியில் முன்னணியில் இருக்கும் இந்த நிறுவனம், பல தசாப்தங்களாகத் திறமையான அறிவியலாளர் களையும் தொழில்துறைத் தலைவர் களையும் உருவாக்கி வருகிறது.
1990–91ஆம் ஆண்டில் தொடங்கப்பட்ட எம்.டெக். பெர்ஃபியூமெரி - ஃபிளேவர் டெக்னாலஜி படிப்பில் வெறும் 18 இடங்களே உள்ளன. ஆனால், இந்தச் சிறிய எண்ணிக்கைக்காக நாடு முழுவதும் ஆயிரக்கணக்கான மாணவர்கள் போட்டியிடுவார்கள்.
இப்படிப்பில் சேர பி.டெக். அல்லது பி.இ. பட்டம் பெற்றிருப்பது அவசியம். அரசு நிறுவனம் என்பதால் ஆண்டுக்கு ஏறக்குறைய ரூ.70,000 கட்டணமாக வசூலிக்கப்படுகிறது.
‘GATE’ தேர்வு எழுதித் தேர்ச்சி பெற்றால் இப்படிப்பில் சேரலாம். இது வெறும் கல்வி நிலையமல்ல. இந்தியாவின் தொழில், அறிவியல், மருத்துவ வளர்ச்சிக்கு அடித்தளம் அமைத்தவர்களின் பயிற்சி மையம்.
தொழிலதிபர் முகேஷ் அம்பானி இங்கே வேதியியல் பொறியியல் படித்தவர். வேதியியல் பொறியியல் துறையின் முன்னோடிப் பேரா சிரியர் எம்.எம்.சர்மா போன்ற பலர் இந்நிறுவனத்துடன் தொடர்பு டையவர்கள்.
சுவாரசியமான பெர்ஃபியூ மெரி - ஃபிளேவர் டெக்னாலஜி துறையின் உலகளாவிய நிறுவனங்கள், முன்னணி பிராண்டுகள், சந்தை அளவு, வேலைவாய்ப்பு வாய்ப்புகள் பற்றி அடுத்த அத்தியாயத்தில் பார்க்கலாம்.
- கட்டுரையாளர், உயர் கல்வி ஆலோசகர்; - ticf@indiacollegefinder.org
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。