Updated on
:
1 min read
கொல்கத்தா: ஐபிஎல் 2026 தொடரின் 60-வது லீக் போட்டியில், குஜராத் டைட்டன்ஸ் அணிக்கு எதிரான ஆட்டத்தில் கொல்கத்தா நைட் ரைடர்ஸ் அணி 29 ரன்கள் வித்தியாசத்தில் வெற்றி பெற்றது.
கொல்கத்தாவின் ஈடன் கார்டன்ஸ் மைதானத்தில் சனிக்கிழமை நடைபெற்ற இந்தப் போட்டியில், முதலில் பேட்டிங் செய்த கொல்கத்தா நைட் ரைடர்ஸ் அணி, நிர்ணயிக்கப்பட்ட 20 ஓவர்களில் 2 விக்கெட் இழப்பிற்கு 247 ரன்கள் என்ற இமாலய ஸ்கோரைக் குவித்தது.
தொடக்க வீரர் ஃபின் ஆலன் குஜராத் அணியின் பந்துவீச்சை விளாசி, வெறும் 35 பந்துகளில் 10 சிக்ஸர்கள் மற்றும் 4 பவுண்டரிகளுடன் 93 ரன்கள் எடுத்தார். அவருக்குப் பக்கபலமாக நின்ற அங்கிரிஷ் ரகுவன்ஷி, 44 பந்துகளில் 7 சிக்ஸர்களுடன் 82 ரன்கள் எடுத்து இறுதிவரை ஆட்டமிழக்காமல் இருந்தார். கடைசி நேரத்தில் கேமரூன் கிரீனும் 28 பந்துகளில் 52 ரன்கள் சேர்த்து கொல்கத்தாவின் ஸ்கோரை உயர்த்த உதவினார்.
அடுத்ததாக 248 ரன்கள் என்ற இலக்கைத் துரத்திய குஜராத் டைட்டன்ஸ் அணி, 20 ஓவர்கள் முடிவில் 4 விக்கெட் இழப்பிற்கு 218 ரன்கள் மட்டுமே எடுத்துத் தோல்வியைத் தழுவியது. குஜராத் அணியின் கேப்டன் சுப்மன் கில் 49 பந்துகளில் 7 சிக்ஸர்களுடன் 85 ரன்களும், சாய் சுதர்சன் 53 ரன்களும் எடுத்து சிறப்பான ஆட்டத்தை வெளிப்படுத்தினர்.
இறுதிவரை அதிரடி காட்டிய ஜோஸ் பட்லர் 35 பந்துகளில் 57 ரன்கள் எடுத்த போதிலும், சுனில் நரைனின் துல்லியமான பந்துவீச்சால் குஜராத் அணி இலக்கை எட்ட முடியாமல் போனது. இந்த அசத்தலான வெற்றியின் மூலம் கொல்கத்தா அணி தனது பிளே-ஆஃப் வாய்ப்பை மேலும் வலுப்படுத்தியுள்ளது.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。