Updated on
:
1 min read
உங்கள் முன்னால் ஒரு நீண்ட பயணம் காத்திருக்கிறது என்று தமிழக முதல்வர் விஜய்க்கு சந்தோஷ் நாராயணன் வாழ்த்து தெரிவித்துள்ளார்.
தமிழக முதல்வராக பதவியேற்றுள்ளார் விஜய். இந்த பதவியேற்பு விழாவில் காங்கிரஸ் கட்சியைச் சேர்ந்த ராகுல் காந்தி சிறப்பு விருந்தினராக கலந்து கொண்டார். மேலும் தவெக கட்சியினர், விஜய் குடும்பத்தினர், த்ரிஷா உள்ளிட்ட பலர் கலந்து கொண்டனர். இந்த விழாவில் தமிழக முதல்வராக விஜய் பேசிய பேச்சு, விஜய்யின் செல்ஃபி வீடியோ உள்ளிட்ட விஷயங்கள் இணையத்தில் ட்ரெண்ட்டாகி வருகின்றன.
தற்போது தமிழக முதல்வர் விஜய்க்கு வாழ்த்து தெரிவிக்கும் விதமாக இசையமைப்பாளர் சந்தோஷ் நாராயணன் தனது எக்ஸ் தளத்தில், “முதலமைச்சர் விஜய்க்கு நல்வாழ்த்துகள், பிரார்த்தனைகள் மற்றும் வெற்றி உண்டாகட்டும். நமது அழகிய மாநிலத்திற்காகப் புதிய சிந்தனைகளையும், புதிய தொடக்கங்களையும் முன்னெடுப்பதற்கான, ஒரு தலைமுறைக்கு ஒருமுறை மட்டுமே வாய்க்கக்கூடிய அரிய வாய்ப்பு இது.
இந்த நூற்றாண்டில் முதன்முறையாக, கோடிக்கணக்கான சாமானிய மக்கள் அரசியல் களத்தில் ஏதேனும் ஒரு வகையில் தீவிரமாகப் பங்களிக்க விரும்புகிறார்கள். நமக்கு முன்னால் ஒரு நீண்ட பயணம் காத்திருக்கிறது. கலக்குங்கள் தளபதி” என்று தெரிவித்துள்ளார் சந்தோஷ் நாராயணன்.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。