Updated on
:
1 min read
சென்னை: சென்னை மாவட்டத்தில் 16 சட்டப்பேரவைத் தொகுதிகள் உள்ளன. சமீபத்தில் நடைபெற்ற சட்டப்பேரவை தேர்தலில் இத்தொகுதிகளில் 419 பேர் போட்டியிட்டனர். சுமார் 4,085 வாக்குச்சாவடிகள் அமைக்கப்பட்டன.
மொத்தம் 28.93 லட்சம் பேர் வாக்களிக்க இருந்த நிலையில் மொத்தம் 24,22,097 (83.71 சதவீதம்) பேர் வாக்களித்தனர். கடந்த 2016 தேர்தலில் 60 சதவீதம், 2021 தேர்தலில் 59 சதவீதம் வாக்குகள் பதிவான நிலையில், இப்போது 83 சதவீதம் பதிவாகி சாதனை படைக்கப்பட்டுள்ளது.
ஆண்களில் 84.05 சதவீதம் பேரும் (11.73 லட்சம்), பெண்களில் 83.40 சதவீதம் பேரும் (12.48 லட்சம்), மூன்றாம் பாலினத்தவரில் 58.53 சதவீதம் (508 பேர்) பேரும் வாக்களித்துள்ளனர். அதே நேரத்தில் 4.71 லட்சம் பேர் இந்த தேர்தலில் வாக்களிக்கவில்லை.
திருமணம் உள்ளிட்ட நிகழ்ச்சிகளுக்கு வெளியூர் சென்றது, சென்னை திரும்ப போதிய போக்குவரத்து வசதி இல்லாதது, எஸ்ஐஆர் பணிகளுக்கு பிறகு, மாவட்டத்தை விட்டு நிரந்தரமாக இடம்பெயர்ந்தது, சமையல் காஸ், ஆட்டோ காஸ், சிஎன்ஜி தட்டுப்பாட்டால், வேலை இல்லாத நிலையில், சென்னையில் வாக்காளராக இருப்பவர்கள் சொந்த ஊர்களுக்கு புறப்பட்டுச் சென்றது, உடல்நலக் குறைவால் பாதிக்கப்பட்டவர்கள், விபத்தால் நடக்க முடியாமல் போனவர்கள், மருத்துவ சிகிச்சையில் இருப்பவர்கள் போன்ற காரணங்களால் அவர்களால் வாக்களிக்க முடியவில்லை என்று கூறப்படுகிறது.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。