இலங்கை பாதுகாப்பு இணையமைச்சர் அருண ஜயசேகர தெரிவித்தார்
Updated on:
ராமேசுவரம்: இலங்கையில் 2009-ல் உள்நாட்டு போர் நடந்தபோது விடுதலைப் புலிகளிடம் இருந்து கைப்பற்றப்பட்ட தங்க நகைகள் நீதிமன்றத்தில் 3 மாதங்களுக்குள் ஒப்படைக்கப்படும் என அந்நாட்டு பாதுகாப்பு இணையமைச்சர் அருண ஜயசேகர தெரிவித்தார்.
விடுதலைப் புலிகள் தங்களின் ஆயுதம் மற்றும் இதர தளவாடங்களை வாங்க தங்கத்தைப் பரிமாறிக் கொண்டனர். இலங்கையில் உள்நாட்டு யுத்தம் 2009-ம் ஆண்டு முடிவுக்கு வந்த போது விடுதலைப் புலிகள் சேகரித்து வைத்திருந்த சுமார் 6 ஆயிரம் கிலோ தங்கம் ராணுவத்தால் கைப்பற்றப்பட்டதாக சொல்லப்படுகிறது. ஆனால் அந்தத் தங்கம் எங்கே என்ற விவரம் தெரியவில்லை.
இலங்கையில் விடுதலை புலிகளின் தங்கம் புதைக்கப்பட்ட இடங்களை பல ஆண்டுகளாக ராணுவம் தேடி வருகிறது. இந்நிலையில் தமிழரசுக் கட்சியின் யாழ்ப்பாணம் நாடாளுமன்ற உறுப்பினர் சிவஞானம் ஸ்ரீதரன் விடுதலை புலிகளிடமிருந்து கைப்பற்றப்பட்ட தங்கம் குறித்து அந்நாட்டு நாடாளுமன்றத்தில் கேள்வி எழுப்பியிருந்தார். இதற்கு இலங்கை பாதுகாப்புப் இணையமைச்சர் அருண ஜயசேகர அளித்த பதில்:
விடுதலைப் புலிகளிடமிருந்து கைப்பற்றப்பட்ட தங்க நகைகளை 3 மாத காலத்துக்குள் நீதிமன்றத்தில் ஒப்படைக்க நடவடிக்கை எடுக்கப்படும். தமிழ் மக்களிடமிருந்து தங்க நகைகள் எதையும் கைப்பற்றவில்லை. புலிகளின் களஞ்சியச் சாலைகளில் இருந்து 150 கிலோ தங்கம் கைப்பற்றப்பட்டன.
அதேசமயம், அந்த நகைகளின் உரிமையாளர் விவரம் தொடர்பாக எவ்விதத் தகவல்களும் கிடையாது. முன்னதாக 2014-ல் அடையாளங்கள் மற்றும் ஆவணங்களை உறுதிப்படுத்திய 2,015 தமிழர்களுக்கு அவர்களது நகைகள் ஒப்படைக்கப்பட்டுள்ளன. இவ்வாறு கூறினார்.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。