கீவ்: செர்னோபில் அணு உலை விபத்தின் 40-வது ஆண்டு நினைவு தினம் வரும் ஞாயிற்றுக்கிழமை அனுசரிக்கப்பட உள்ளது.
இந்நிலையில், செய்தி நிறுவனத்திடம் உக்ரைனின் தலைமை அரசு வழக்கறிஞர் ருஸ்லான் கிராவ்சென்கோ கூறியுள்ளதாவது: கடந்த 2024 ஜூலை முதல் உக்ரைன் மீது ரஷ்யா தீவிர ட்ரோன் தாக்குதல்களை நடத்தி வருகிறது. குறிப்பாக, செர்னோபில் அணு உலையின் கதிர்வீச்சு பாதுகாப்பு கவசத்துக்கு 5 கிலோ மீட்டர் சுற்றளவுக்குள் குறைந்தது 92 ரஷ்ய ட்ரோன்கள் பறந்ததை எங்களது ரேடார்கள் கண்டறிந்துள்ளன.
உக்ரைனை அச்சுறுத்தவும், தீவிரவாதத்தை பரப்பவுமே அணு உலைகளுக்கு மேல் ரஷ்யா இதுபோன்று ஏவுகணைகளையும், ட்ரோன்களையும் ஏவி வருகிறது. கடந்த 1986-ம் ஆண்டு ஏப்ரல் 26-ம் தேதி வெடித்துச் சிதறிய செர்னோபில்லின் 4-வது அணு உலையிலிருந்து கதிர்வீச்சு கசியாமல் தடுப்பதற்காக பிரம்மாண்ட பாதுகாப்பு கவசம் அமைக்கப்பட்டுள்ளது.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。