தொழில்நுட்பக் கண்காணிப்பு மற்றும் டிஜிட்டல் தடயங்களின் அடிப்படையில், கொலையாளிகள் வெளி மாநிலத்தைச் சேர்ந்தவர்கள் என்பது தெரியவந்தது. அதன் அடிப்படையில் உத்தர பிரதேசம், பிஹாருக்கு சென்ற போலீஸார் குற்றவாளிகளை தேடி வந்தனர். இந்நிலையில் 3 கூலிப்படையினர் உத்தர பிரதேசத்தில் நேற்று முன்தினம் கைது செய்யப்பட்டனர்.
மேற்கு வங்க காவல் துறையின் சிறப்புப் படையினரால் கைது செய்யப்பட்ட அவர்கள், வடக்கு 24 பர்கானா மாவட்ட நீதிமன்றத்தில் ஆஜர்படுத்தப்பட்டு 13 நாட்கள் போலீஸ் காவலில் வைக்கப்பட்டுள்ளனர். இதையடுத்து, இந்த வழக்கை சிபிஐ விசாரணைக்கு மாற்ற மேற்கு வங்க காவல் துறை பரிந்துரை செய்திருந்தது.
இதன் அடிப்படையில், இந்த வழக்கின் பொறுப்புகளை மாநில காவல் துறையிடமிருந்து சிபிஐ அதிகாரிகள் முறைப்படி நேற்று பெற்றுக் கொண்டு முதல் தகவல் அறிக்கையை பதிவு செய்தனர். இதையடுத்து இந்த வழக்கை விசாரிக்க டிஐஜி தலைமையில் 7 உறுப்பினர்களைக் கொண்ட சிறப்பு புலனாய்வுக் குழு அமைக்கப்பட்டுள்ளது.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。