Updated on:
மற்றவர்களின் விமர்சனங்களால் சுருங்கி விடாதீர்கள் என்று பிரபல நடிகை மனீஷா கொய்ராலா பெண்களுக்கு அறிவுரை வழங்கியுள்ளார்.
இதுபற்றி அவர் கூறும்போது, “புதிய முயற்சிகளைத் தொடங்க தங்களுக்கு வயது கடந்து விட்டது என்று நினைக்கும் ஒவ்வொரு பெண்ணுக்கும் நான் சொல்வது இதுதான், பயணம் மேற்கொள்ளுங்கள், உங்களுக்கான வாழ்க்கைப் பயணத்தைத் தொடங்குங்கள், உங்களுக்காக வாழுங்கள்” என்று தெரிவித்துள்ளார்.
அவர் வெளியிட்ட மற்றொரு பதிவில், “பெண்கள் தங்கள் உடல் அமைப்பு எதுவாக இருந்தாலும், வயது எதுவாக இருந்தாலும், வாழ்க்கையின் எந்தக் கட்டத்தில் இருந்தாலும் பயணம் மேற்கொள்ளுங்கள். கடற்கரையில் நடந்து செல்லுங்கள். புகைப்படம் எடுத்துக் கொள்ளுங்கள்.
உங்கள் சருமத்தின் மீது சூரிய ஒளியையும், உங்கள் காலடியில் உள்ள மணலையும் உணருங்கள். பயமோ அல்லது மற்றவர்களின் விமர்சனங்களோ உங்களைச் சுருக்கிவிட அனுமதிக்காதீர்கள். நீங்கள் எப்படி இருக்கிறீர்களோ, அப்படியே உங்கள் வாழ்க்கையை முழுமையாக அனுபவிக்க நீங்கள் தகுதியானவர்” என்று குறிப்பிட்டுள்ளார்.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。