Updated on
:
2 min read
மேஷம்: முடியாமலிருந்த வேலைகளை முடிப்பீர்கள். பணப் புழக்கம் அதிகரிக்கும். பூர்வீக வீட்டை சீரமைத்து விரிவுபடுத்தி கட்டுவீர். வியாபாரத்தில் பங்குதாரர்கள் ஆதரவாக இருப்பார்கள். அலுவலகத்தில் நிம்மதியுண்டு. சக ஊழியர்கள் மத்தியில் மதிப்பு, மரியாதை உயரும்.
ரிஷபம்: அதிகாரத்தில் இருப்பவர்களின் ஆதரவு கிட்டும். தம்பதிக்குள் அன்யோன்யம் பிறக்கும். சேமிப்பு அதிகரிக்கும். வாகன பராமரிப்புச் செலவுகள் குறையும். வியாபாரத்தில் பாக்கிகள் வசூலாகும். அலுவலகத்தில் தான் உண்டு தன் வேலை உண்டு என்று இருக்கவும்.
மிதுனம்: பிள்ளைகளின் பெருமைகளை மற்றவர்களிடம் சொல்லி மகிழ்வீர். கனிவாகப் பேசி காரியம் சாதிப்பீர். உடன்பிறந்தவர்களின் ஒத்துழைப்பு உண்டு. அலுவலக ரீதியாக வெளியூர் பயணம் மேற்கொள்வீர்.வியாபாரத்தை விரிவுபடுத்துவீர். பங்குதாரர்களின் ஆதரவு கிட்டும்.
கடகம்: குடும்பத்தில் இருந்து வந்த குழப்பம் நீங்கும். வியாபாரத்தில் முக்கிய பிரமுகர்கள் வாடிக்கையாளர்கள் ஆவர். புதிய பங்குதாரர்கள் கிடைப்பர். அலுவலகத்தில் மேலதிகாரிகளை பகைத்துக் கொள்ளாதீர்கள். சக ஊழியர்கள் உங்கள் ஆலோசனையை ஏற்றுக் கொள்வர்.
சிம்மம்: குடும்ப உறுப்பினர்களுடன் வாக்குவாதம் வந்து போகும். பூர்வீக வீட்டை சீரமைத்து விரிவுபடுத்த முயற்சி மேற்கொள்வீர். கோபத்தை தவிர்ப்பது நல்லது. வியாபாரத்தில் போட்டிகளை சமாளிக்க போராடுவீர்கள். பயணங்கள் அலைச்சல் தரும். உத்தியோகம் சிறக்கும்.
கன்னி: எதிர்பார்த்து காத்திருந்த பணம் வந்துசேரும். மனைவியின் விருப்பத்தை கேட்டறிந்து பூர்த்தி செய்வீர். பிள்ளைகளால் நிம்மதியுண்டு. வாகன பராமரிப்புச் செலவு குறையும். வியாபாரத்தில் பழைய பாக்கிகளை வசூலிப்பீர். அலுவலகத்தில் அமைதி காப்பது நல்லது.
துலாம்: துணிச்சலாக முக்கிய முடிவுகள் எடுப்பீர்கள். பிள்ளைகளின் உடல்நலம் சீராகும். பணப் புழக்கம் கூடும். உடன்பிறந்தவர்கள் உறுதுணையாக இருப்பர். வியாபாரத்தில் லாபம் கூடும். அலுவலகரீதியாக முக்கிய பிரமுகர்களை சந்திக்கும் வாய்ப்பு கிடைக்கும்.
விருச்சிகம்: உங்களை தவறாக நினைத்துக் கொண்டிருந்த உறவினர்கள், நண்பர்களின் மனது மாறும். வீட்டில் மகிழ்ச்சி பொங்கும். அலுவலகத்தில் மேலதிகாரியின் பாராட்டு கிட்டும். வியாபாரத்தில் லாபமுண்டு. புதிய பங்குதாரர்களின் ஆலோசனைகளை ஏற்று நடக்கவும்.
தனுசு: துணிச்சலாக சில முடிவுகள் எடுப்பீர். உடன் பிறந்தவர்கள் உறுதுணையாக இருப்பார்கள். பூர்வீக வீடு, நிலம் தொடர்பான வழக்கில் வெற்றி கிட்டும். வியாபாரத்தில் போட்டிகளை சமாளித்து லாபம் ஈட்டுவீர். அலுவலகத்தில் சூழ்ச்சிகளை முறியடிப்பீர்.
மகரம்: குடும்பத்தினரின் ஆதரவு உண்டு. வாயுக் கோளாறால் நெஞ்சுவலி வந்து போகும். வாகனம் செலவு வைக்கும். வியாபாரத்தை விரிவுபடுத்துவீர். பங்குதாரரின் கருத்துக்கு மதிப்பளிப்பது நல்லது. அலுவலகத்தில் பணிச்சுமை அதிகரித்தபடி இருக்கும்.
கும்பம்: குழப்பங்கள் நீங்கி குடும்பத்தில் சந்தோஷம் நிலைக்கும். வியாபாரரீதியாக வெளியூர் செல்வீர்கள். அலுவலகத்தில் மற்றவர்களை நம்பி சில பணிகளை ஒப்படைத்தும் பயனில்லாமல் போனதால் நீங்களே முடிப்பீர்கள். மேலதிகாரிகளின் பாராட்டு கிடைக்கும்.
மீனம்: பிரபலங்களை சந்திப்பதால் மனநிறைவு கிட்டும். ஈகோ பிரச்சினை தீர்ந்து தம்பதிக்குள் அன்யோன்யம் அதிகரிக்கும். வியாபாரத்தில் புது முதலீடு செய்வீர்கள். அலுவலகத்தில் மேலதிகாரிகளை பகைத்துக் கொள்ளாதீர். சக ஊழியர்களுடன் இணக்கமாக செயல்படுவது நல்லது.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。