Updated on:
சென்னை: தங்கம் விலை தொடர்ந்து மூன்றாவது நாளாக குறைந்திருக்கிறது. அந்த வகையில் இன்று (வியாழக்கிழமை), சென்னையில் 22 காரட் ஆபரணத் தங்கம் விலை பவுனுக்கு ரூ.1,680 குறைந்துள்ளது.
சர்வதேச பொருளாதார மற்றும் அரசியல் சூழல், கச்சா எண்ணெய் விலை, அமெரிக்க டாலருக்கு நிகரான இந்திய ரூபாயின் மதிப்பு, தங்கத்தின் மீதான முதலீடு, உலக பங்குச் சந்தை செயல்பாடு உள்ளிட்டவற்றின் அடிப்படையில் தங்கத்தின் விலை நிர்ணயிக்கப்படுகிறது.
கடந்த மாதம் (மே) தங்கத்தின் மீதான சுங்க வரியை 6 சதவீதத்தில் இருந்து 15 சதவீதமாக மத்திய அரசு உயர்த்தியது. அதையடுத்து தங்கம் விலையில் தொடர்ந்து மாற்றம் ஏற்பட்டு வருவது குறிப்பிடத்தக்கது.
இதனால் ஏறுவதும், இறங்குவதுமாக ஊசலாட்டத்தில் இருக்கும் தங்கம் விலை நேற்று குறைந்தது. 22 காரட் தங்கம் விலை கிராமுக்கு ரூ.210 குறைந்து ஒரு கிராம் ரூ.13,350-க்கும், பவுனுக்கு ரூ.1,680 குறைந்து ஒரு பவுன் ரூ.1,06,800-க்கும் விற்பனை. செய்யப்பட்டது.
தொடர்ந்து இன்றும் தங்கம் விலை அதிரடியாக குறைந்துள்ளது. அதன்படி இன்று ( ஜூன் 25) சென்னையில் ஆபரணத் தங்கத்தின் விலை சவரனுக்கு மீண்டும் ரூ.1,680 வரை குறைந்து, ஒரு சவரன் ரூ.1,05,120-க்கு விற்பனை செய்யப்படுகிறது. அதேபோல், ஒரு கிராம் தங்கத்தின் விலை ரூ.210 குறைந்து, ரூ.13,140க்கு விற்பனையாகிறது.
தங்கம் விலையைப் போலவே வெள்ளியின் விலையும் இன்று சரிவைச் சந்தித்துள்ளது. சென்னையில் ஒரு கிராம் வெள்ளியின் விலை ரூ.10 குறைந்து, ரூ.230-க்கு விற்பனை செய்யப்படுகிறது. இந்த தொடர் விலை வீழ்ச்சி, வரவிருக்கும் சுபமுகூர்த்த தினங்களை முன்னிட்டு நகை வாங்கத் திட்டமிட்டிருந்த பொதுமக்களுக்கு பெரும் நிம்மதியை அளித்துள்ளது.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。