Updated on:
டி20 கிரிக்கெட் வரலாற்றில் அதிக ரன்கள் எடுத்த வீரர் என்ற மகத்தான சாதனையை கைரன் பொல்லார்ட் படைத்துள்ளார். நடுவரிசை வீரராக இந்த உயரத்தை எட்டியதில் இந்தச் சாதனை உண்மையில் தனித்துவமானதே.
கிறிஸ் கெயில் தொடக்க வீரராக அதிக ஓவர்களை எதிர்கொண்டார். ஆனால் நடுவரிசை வீரர்களுக்கு குறைந்த பந்துகளே கிடைக்கும் என்ற அளவில் பொல்லார்ட், கிறிஸ் கெயில் சாதனையை உடைத்தது பெரிய விஷயமே. ஆனாலும், கடந்த 12 ஆண்டுகளாக முதலிடத்தில் இருந்த தனது முன்னாள் அணித்தோழர் கிறிஸ் கெயிலை முந்தியதற்காக நகைச்சுவையாக சிறிய மன்னிப்பும் கோரினார் பொல்லார்ட்.
அலெக்ஸ் ஹேல்ஸ் மற்றும் ஜோஸ் பட்லர் ஆகியோருடன் டி20 வரலாற்றில் அதிக ரன்கள் எடுத்த வீரர் யார் என்ற போட்டி சமீப காலமாக நீடித்து வந்தது. ஆனால், தனது டி20 வாழ்க்கையின் 736-வது போட்டியில், வாஷிங்டன் ஃப்ரீடம் அணிக்கு எதிராக 81 ரன்களை எட்டியபோது பொல்லார்ட், கெயிலின் சாதனையை முறியடித்தார். சிறப்பாக, அவர் இந்த சாதனை மைல்கல்லை ஒரு சிக்ஸருடன் கடந்தார்.
தற்போது பொல்லார்ட், டி20 கிரிக்கெட்டில் 151.12 என்ற ஸ்ட்ரைக் ரேட்டில் 14,582 ரன்கள் குவித்துள்ளார். நியூயார்க் எம்.ஐ அணிக்காக வாஷிங்டன் ஃப்ரீடம் அணிக்கு எதிராக 2026 மேஜர் லீக் கிரிக்கெட் போட்டியில் அவர் விளாசிய 100 ரன்கள் நாட் அவுட் இன்னிங்ஸ், அவரது நீண்ட டி20 வாழ்க்கையில் இரண்டாவது சதம்தான் என்பது குறிப்பிடத்தக்கது.
சாதனை குறித்து பொல்லார்ட்
“வெஸ்ட் இண்டீஸில் நாங்கள் நீண்ட காலமாக முன்மாதிரியாக பார்த்த கிறிஸ் கெயிலின் சாதனையை கடந்து வருவது மிகவும் சிறப்பானது. கிரிக்கெட்டின் அனைத்து வடிவங்களிலும் அவர் மகத்தான விஷயங்களை செய்துள்ளார். எனவே மீண்டும் சொல்கிறேன், மன்னிக்கவும் யூனிவர்ஸ் பாஸ்; ஆனால் நாங்கள் இருவருமே அந்த உச்சியில் இருக்கிறோம்.
ஆறாவது அல்லது ஏழாவது இடத்தில் களமிறங்கி பேட்டிங் செய்வது மிகவும் கடினமானது. இருப்பினும், யாரோ ஒருவர் கடினமான வேலையை செய்ய வேண்டும். அனைவரும் தொடக்க வரிசையில் களமிறங்க விரும்பினாலும், ஒரு கிரிக்கெட் போட்டியில் 11 வீரர்கள் ஆடும்போது ஒவ்வொருவருக்கும் ஒரு பங்கு உள்ளது. காலப்போக்கில் என் ரோல் போட்டிகளை வெற்றிகரமாக முடித்து வைக்கும் பினிஷர் ரோலாக இருந்தது. அதை நான் முழுமையாக ஏற்றுக்கொண்டேன். அந்த சவாலை ஏற்று அதற்காக பயிற்சி செய்தால், நல்ல விஷயங்கள் நடக்கும்.
இந்த சாதனைகளை மனதில் வைத்து என் ஆரம்ப கால கிரிக்கெட் வாழ்க்கை இல்லை என்னைப் போன்றவர்களும் கிறிஸ் கெயில் மற்றும் பிராவோ ஆகியோரும் டி20 கிரிக்கெட்டுக்கு முன்னுரிமை கொடுத்ததற்காக ஒரு காலத்தில் விமர்சனங்களை எதிர்கொண்டனர், கேலி செய்யப்பட்டனர்” என்றார்.
தற்போது 39 வயதாகும் பொல்லார்ட், வீரராகவும் பயிற்சியாளராகவும் தனது கிரிக்கெட் பயணத்தை தொடர்கிறார். ஐபிஎல் மற்றும் தி ஹண்ட்ரெட் தொடர்களில் அணிகளுடன் பணியாற்றுவதோடு, இங்கிலாந்து வெள்ளைப் பந்து அணிகளுடனும் பயிற்சி தொடர்பான பொறுப்புகளை வகித்த அனுபவம் அவருக்கு உள்ளது. இந்த புதிய பொறுப்புகள் கிரிக்கெட்டை வேறொரு கோணத்தில் புரிந்துகொள்ள உதவியதாக பெருமை பொங்கக் கூறினார் பொல்லார்ட்.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。