Updated on:
நடிகை சமந்தா தயாரித்து, நடித்துள்ள ‘மா இண்டி பங்காரம்’ என்ற படம், தமிழில் ‘எங்கள் தங்கம்’ என்ற பெயரில் வெளியாகியுள்ளது. இதை நந்தினி ரெட்டி இயக்கியுள்ளார். இதில் குல்ஷன் தேவ்வய்யா, திகாந்த், கவுதமி, மஞ்சுஷா முக்கிய வேடங்களில் நடித்துள்ளனர்.
இதை ராஜ் நிடிமொரு, சமந்தா மற்றும் ஹிமாங்க் ரெட்டி துவ்வுரு ஆகியோர் இணைந்து தயாரித்துள்ளனர். ஓம் பிரகாஷ் ஒளிப்பதிவு செய்துள்ள இப்படத்துக்கு சந்தோஷ் நாராயணன் இசை அமைத்துள்ளார். இப்படம் பற்றி சமந்தா பேசும்போது, “சென்னைக்கு வருவது எப்போதுமே எனக்கு வீட்டுக்கு வருவது போன்றது தான். தமிழில் இன்னும் அதிக படங்களில் நடித்திருக்க வேண்டும் என்று அடிக்கடி நினைப்பேன்.
அந்த வருத்தம் இன்னும் இருக்கிறது. ஆனால் இன்னும் காலம் இருக்கிறது. நல்ல கதைகளும், நல்ல கதாபாத்திரங்களும் வந்தால் தமிழ்ப் படங்களில் தொடர்ந்து நடிப்பேன். இந்தப் படத்தில் நடிகையாக மட்டுமல்லாமல் தயாரிப்பாளராகவும் பணியாற்றியுள்ளேன். ஒரு படத்தை உருவாக்குவதும் அதை வெளியிடுவதும் எவ்வளவு கடினமான வேலை என்பதை இந்தப் படம் எனக்கு உணர்த்தியது.
குறிப்பாகப் படத்தின் இறுதிக்கட்ட பணிகள் மிகவும் சவாலானதாக இருந்தன. இந்தப் படம் உங்களைப் பெருமைப்படுத்தும் என்று நம்புகிறேன். தமிழ் திரையுலகம் என் வீடு. அந்த வீட்டுக்குப் பெருமை சேர்க்கும் படமாக இது அமையவேண்டும் என்பதே என் விருப்பம்” என்றார்.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。