Updated on
:
2 min read
மேஷம்: முகப்பொலிவு கூடும். புதியவர்களின் அறிமுகம் கிட்டும். கம்பீரமாக பேசுவீர். பிள்ளைகளால் அலைச்சல் இருக்கும். இளைய சகோதரர் உதவுவார். வியாபாரத்தில் பழைய பாக்கிகள் வசூலாகும். அலுவலகத்தில் தான் உண்டு தன் வேலை உண்டு என்று இருப்பது நல்லது.
ரிஷபம்: கடனாக கொடுத்த பணத்தை வசூலிப்பீர்கள். வாகனப்பழுது நீங்கும். வெளிவட்டாரத்தில் புதியவர் அறிமுகமாவார். ஈகோ பிரச்சினை தீர்ந்து தம்பதிக்குள் நெருக்கம் கூடும். வியாபாரத்தை விரிவுபடுத்துவீர்கள். அலுவலகத்தில் விவாதங்களை தவிர்த்துவிடவும்.
மிதுனம்: வீடு, வாகனத்தை சீர் செய்வீர்கள். கடந்த கால சுகமான அனுபவங்களை நினைத்து மனதில் சந்தோஷம் பொங்கும். பிள்ளைகள் கேட்டதை வாங்கித் தருவீர்கள். அலுவலகத்தில் இழுபறியாக இருந்த பணி முடிவுக்கு வரும். வியாபாரத்தில் பங்குதாரர்களின் ஆதரவு கிட்டும்.
கடகம்: ஆடம்பர செலவுகளை குறைத்துக் கொண்டு சேமிப்பீர். தாய்வழி உறவினர்கள் ஆதரவாக இருப்பர். பூர்வீக வீட்டை சீரமைத்து விரிவுபடுத்தி கட்டுவீர்கள். வியாபாரத்தில் போட்டிகளை தகர்ப்பீர்கள். அலுவலக ரீதியாக வெளியூர் பயணங்கள் மேற்கொள்வீர்கள்.
சிம்மம்: அலைச்சல் இருக்கும். திட்டமிட்ட வேலை முடியவில்லையே என கோபப்படுவீர்கள். வாகனத்தை கவனமாக இயக்கவும். அக்கம் பக்கத்தினரின் அன்புத் தொல்லை நீங்கும். அலுவலகத்தில் தேடிய ஆவணம் தென்படும். வியாபாரத்தில் ஓரளவு லாபம் கிடைக்கும்.
கன்னி: தாய்வழி உறவினர்களால் ஆதாயம் காண்பீர். தடைபட்ட காரியங்கள் முடிவுக்கு வரும். பிள்ளைகளின் சாதனைகளால் பெருமை அடைவீர். வியாபாரரீதியாக முக்கிய பிரமுகர்களை சந்திப்பீர்கள். அலுவலகத்தில் அடுத்தவர் விஷயத்தில் தலையிடாமல் இருக்கவும்.
துலாம்: திட்டமிட்ட காரியங்களை சிறப்பாக செய்து முடிப்பீர். உடன் பிறந்தவர்களை அனுசரித்து நடந்து கொள்ளவும். பிள்ளைகளை பொறுப்பாக வளர்க்க எண்ணுவீர். அலுவலகத்தில் மேலதிகாரி ஆதரவு தருவார். வியாபாரத்தை பெரியளவில் விரிவுபடுத்துவீர்.
விருச்சிகம்: வெளிவட்டாரத்தில் மதிப்பு உயரும். தாயாரின் ஆரோக்கியம் திருப்திகரமாக இருக்கும். அலுவலகத்தில் பெரிய பதவிக்கு உங்கள் பெயர் பரிந்துரை செய்யப்படும். வியாபாரத்தில் நல்ல லாபம் கிடைக்கும். பங்குதாரர்களை பேசி சமாளிப்பீர்கள்.
தனுசு: தாயாரின் விருப்பத்தை நிறைவேற்றுவீர். மனைவிவழி உறவினர் மத்தியில் மதிப்பு உயரும். எதிர்பார்த்து காத்திருந்த பணம் கைக்கு வருவதால் மனநிம்மதி கிட்டும். ஆன்மிகத்தில் நாட்டம் கூடும். வியாபாரம், உத்தியோகத்தில் முன்னேற்றம் காண்பீர்.
மகரம்: குடும்பத்தில் மூத்தோரின் அறிவுரையை ஏற்பது நல்லது. வாகனம் செலவு வைக்கும். வியாபாரத்தில் பழைய சரக்குகள் தேங்கும். எதிலும் அவசரப்படாமல் நிதானமாக செயல்படவும். அலுவலகத்தில் தேடிய ஆவணம் தென்படும். மேலதிகாரிகள் பாராட்டுவர்.
கும்பம்: பழைய பிரச்சினைகளை பேசித் தீர்ப்பீர்கள். தம்பதிக்குள் அன்யோன்யம் பிறக்கும். கையில் பணம் புரளும். அலுவலகத்தில் புதிய பதவிக்கு பரிந்துரை செய்யப்படுவீர். மேலதிகாரிகள் பாராட்டுவர். வியாபார போட்டி குறையும். பணியாட்களின் ஆதரவு உண்டு.
மீனம்: சொந்த ஊரில் மதிக்கப்படுவீர். ஷேர், கமிஷன் வகைகளால் பணம் சேரும். கவுரவப் பதவிகள் தேடி வரும். மூத்த சகோதர, சகோதரிகளுடன் இருந்த பகை நீங்கும். அலுவலகரீதியாக பயணம் மேற்கொள்வீர். வியாபாரத்தை பெரிய அளவில் விரிவுபடுத்துவீர்கள்.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。