சென்னை: அனிதா ராதாகிருஷ்ணனின் பேச்சு சர்ச்சையை ஏற்படுத்தியுள்ள நிலையில், “எங்களுக்கும் திருப்பி பேச தெரியும்” என திமுகவுக்கு விருதுநகர் காங்கிரஸ் எம்.பி மாணிக்கம் தாகூர் கடும் கண்டனம் தெரிவித்துள்ளார்.

இது குறித்து அவர் வெளியிட்டுள்ள எக்ஸ் பதிவில், “அமைச்சர் பதவியும் அதிகாரமும் போன பிறகு, விரக்தியிலும் அகங்காரத்திலும் சிலரின் மொழியின் தரம் எந்த அளவுக்கு கீழே விழுகிறது என்பதற்கான உதாரணம் தான் அனிதா ராதாகிருஷ்ணன் பேச்சு. நாங்கள் உங்களை அதிகாரத்துக்கு கொண்டு வர உழைத்தவர்கள்தான். எங்களுக்கும் திருப்பி பேச தெரியும்.

அரசியலிலும் பதிலடி கொடுக்க தெரியும். ஆனால், இன்னும் அரசியல் நாகரிகத்தை மதித்து திமுக தலைமையின் பதிலுக்கு காத்திருக்கிறோம். நாடாளுமன்ற எதிர்க்கட்சித் தலைவர் ராகுல் காந்தியையும், எங்கள் மூத்த தலைவர்களையும் தொடர்ந்து தரக்குறைவாக பேசும் இந்த அரசியலை திமுக தலைமையே ஊக்குவிக்கிறதா என்ற கேள்வி எழுகிறது.