Updated on:
கோட்டை மாவட்டத்தின் ‘கோட்டை’ தொகுதியில் சூரியக் கூட்டணியில் களத்தில் நிற்கும் தோழர் ‘ஸ்மால்’ துரை இப்போது அங்கே சிட்டிங் எம்எல்ஏ-வாகவும் இருக்கிறார். கடந்த 5 ஆண்டுகளில் தனது தொகுதியில் அத்துமீறி செயல்படும் செம்மன் குவாரிகளுக்கு எதிராக வீதிக்கு வந்து போராட்டங்களை முன்னெடுத்த இவரை இம்முறை மீண்டும் ஜெயிக்கவிடக் கூடாது என்பதில் குவாரி முதலாளிகள் சிலர் சிண்டிகேட் போட்டுக் கொண்டு வேலை செய்தார்களாம். ‘ஸ்மால்’ துரை வாக்குக் கேட்டுப் போகும் இடங்களில் அவரை எதிர்த்து கேள்வி கேட்பவர்களுக்கு ’தகுந்த சன்மானம்’ தருவதாக இவர்கள் சர்குலரே விட்டிருந்தார் களாம்.
இதன் எஃபெக்ட் தான் சில இடங்களில் ‘ஸ்மால்’ துரையை பொதுமக்கள் போர்வையில் சிலர் நிற்கவைத்து கேள்வி கேட்டு சங்கடப்படுத்திய சம்பவங்களாம். இதனிடையே, சூரியக் கட்சி தலைமையிலிருந்து ’ஸ்மால்’ துரையின் தேர்தல் ‘செலவுகளுக்காக’ 20 ‘சி’-யை அன்பளிப்பாக அனுப்பி வைத்தார்களாம். ஆனால், “இதில் ஒரு பைசா கூட எங்களுக்கு வேண்டாம். எங்களுக்கான செலவுகளை நாங்கள் பார்த்துக் கொள்கிறோம்.
இந்தப் பணத்தை வைத்து உங்களுக்கான செலவுகளை பார்த்துக் கொள்ளுங்கள்” என்று சொல்லி அந்தப் பணத்தை அப்படியே சூரியக் கட்சி பொறுப்பாளர்களிடம் தந்துவிட்டார்களாம் தோழர்கள். இதையடுத்து அந்தப் பணத்தில் தங்களின் ‘நடைமுறை’ செலவுகளுக்குப் போக எஞ்சிய தொகையில் ஓட்டுக்கு தலா 700 ரூபாய் வரைக்கும் கொடுத்தார்களாம் சூரியக் கட்சிக்காரர்கள்.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。