Updated on:
காஞ்சி மாவட்டம் பரந்தூரில் அமையவிருந்த சென்னைக்கான 2-வது சர்வதேச விமான நிலையத் திட்டப் பணிகள், தவெக ஆட்சிப் பொறுப்பேற்றதை தொடர்ந்து, நிலப் பத்திரப் பதிவு உள்ளிட்ட பூர்வாங்க பணிகள் தற்காலிகமாக நிறுத்திவைக்கப் பட்டுள்ளதாகத் தெரிகிறது.
பரந்தூர் விமான நிலையம் வருவதற்கான சாத்தியக் கூறுகள் பெருமளவு குறைந்துள்ள நிலையில், ஏற்கெனவே கையகப்படுத்தப்பட்ட நிலங்களில் சிப்காட் தொழிற் பூங்கா அமைப்பது குறித்து பரிசீலிக்கும்படி அரசு அதிகாரிகளுக்கு அறிவுறுத்தப்பட்டுள்ளதாகத் தெரிகிறது.
பரந்தூர் பகுதியில் விமான நிலையம் வரும் என்று நம்பி ரியல் எஸ்டேட் நிறுவனங்கள் கோடிக்கணக்கில் முதலீடு செய்தன. பலர் நிலத்தை வாங்கி குவித்ததால் கடந்த ஓரிரு ஆண்டுகளில் நிலங்களின் மதிப்பு 10 மடங்கு உயர்ந்த நிலையில், தற்போது இந்த ரியல் எஸ்டேட் வணிகம் கடும் சரிவைச் சந்திக்கத் தொடங்கியுள்ளது.
முந்தைய ஆட்சியின் போது, பரந்தூர் பசுமை வழி விமான நிலையத் திட்டத்துக்காக 5,746 ஏக்கர் நிலம் அடையாளம் காணப்பட்டது. அதில் முதற்கட்டமாக, ஏறத்தாழ 1,700 ஏக்கர் நிலம் நில உரிமையாளர்களின் சம்மதத்துடன் நேரடியாகக் கையகப்படுத்தப்பட்டது.
தற்போது தமிழகத்தில் தவெக தலைமையிலான புதிய அரசு அமைந்துள்ளது. முன்னதாக, இந்த விமான நிலையத் திட்டத்தை எதிர்த்து முதல்வர் விஜய் போராட்டத்தை நடத்தினார் என்பது குறிப்பிடத்தக்கது. இந்நிலையில், இத்திட்டம் தற்போது மறு பரிசீலனைக்கு உட்படுத்தப்பட்டுள்ளது. ஏற்கெனவே கையகப்படுத்தப்பட்ட 1,700 ஏக்கர் நிலத்தை மீண்டும் விவசாயிகளிடம் ஒப்படைப் பதில் சில நடைமுறைச் சிக்கல்கள் இருப்பதால், அந்த நிலப் பரப்பில் புதிய சிப்காட் தொழிற் பூங்காவை அமைப்பதற்கான சாத்தியக் கூறுகள் குறித்து அரசுத் தரப்பில் தீவிர மாகப் பரிசீலிக்கப்பட்டு வருகிறது.
விமான நிலையம் வருவதற்கான சாத்தியக் கூறுகள் குறைந்துள்ள நிலையில், ஏகனாபுரம் மற்றும் சுற்று வட்டார கிராம மக்கள் நீண்ட நாட்களுக்குப் பிறகு நிம்மதிப் பெரு மூச்சு விட்டுள்ளனர். இது குறித்துப் போராட் டக் குழுவினரிடம் கேட்டபோது, "தேர்தல் பிரச்சாரத்தின் போது, பரந்தூர் விமான நிலையத் திட்டம் கைவிடப்படும் என்று தற்போதைய முதல்வர் அறிவித்திருந்தார். தற்போது அவர் தலைமையிலான அரசு பொறுப் பேற்றுள்ளதால், இந்தத் திட்டம் நிச்சயமாக வராது என்ற நம்பிக்கை எங்களுக்கு ஏற்பட்டுள்ளது" என்றனர்.
பரந்தூரில் சர்வதேச விமான நிலையம் அமையும் என்ற அதிகாரப் பூர்வ அறிவிப்பு வெளியானவுடன். ஸ்ரீபெரும்புதூர், சுங்குவார் சத்திரம் மற்றும் பரந்தூர் சுற்று வட்டாரப் பகுதிகளில் நிலத்தின் மதிப்பு பல மடங்கு உயர்ந்தது. சென்னை மற்றும் வெளி மாவட்டங்களைச் சேர்ந்த முன்னணி ரியல் எஸ்டேட் நிறுவனங்கள், எதிர்காலத்தில் பெரும் லாபம் பார்க்கலாம் என்ற நோக்கில், அங்குள்ள விளை நிலங்களையும் சுற்றியுள்ள இடங்களையும் போட்டிப் போட்டுக்கொண்டு வாங்கிக் குவித்தன.
ஆனால், இப்போது விமான நிலையம் வருவதற்கான வாய்ப்புகள் மங்கி, சிப்காட் தொழிற் பூங்கா வரக்கூடும் என்ற தகவல் பரவியதால், அப்பகுதியில் நிலத்தின் விலை வேகமாகச் சரியத் தொடங்கியுள்ளது. வாங்கிய நிலங்களை அவசரமாக விற்க முடியாமலும், புதிய வாடிக்கையாளர்கள் யாரும் நிலம் வாங்க முன் வராததாலும் இப்பகுதியில் ரியல் எஸ்டேட் வர்த்தகம் பெருமளவு முடங்கியுள்ளது.
மாநிலத்தின் தொழில் வளர்ச்சிக்கு இரண்டாவது விமான நிலையம் அவசியம் என்று ஒரு தரப்பு நிபுணர்கள் வாதிட்டாலும், இந்தத் திட்டம் கைவிடப் படுவதற்கான வாய்ப்புகளே தற்போது அதிகமாக நிலவுவதால், இது தொடர்பான அதிகாரப் பூர்வ அரசாணை விரைவில் வெளியாகலாம் என அப்பகுதி மக்கள் மிகுந்த எதிர்பார்ப்புடன் இருக்கின்றனர்.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。