(粤）

公司sport club搞嘅Paintball大戦终于喺今朝打開序幕嘞；5人一隊，總共用32隊（公司上上下下）。。。跟住打入八强，四强，半决赛同决赛如此纇推。。。其它嘅就唔多喺處講嘞，就講我哋嗰隊仲整咗嗰好鬼“英”嘅team名~ “S.W.A.T”，而其它两隊就叫"TOMCAT"同"Delta Force"。前幾日我哋嘅三隊仲用email展開一輪熱身口水戦添。。。都未落場就已經咁鬼激囖。。。真爆肚。。。乜鬼image都出齐。。。

點知喺今日争入八强時，我哋竟然又同一组（四隊一组）。。。真喺配到绝吖~ 咁先够feel嘞嘛~ 但就殺出一隊uncle级嘅嚟同我哋争，啲uncle仲好鬼勇，狼建矛吖。打round 1時，我一落場唔到两分鍾我就中頭奖（head shot）兼大脾。。。就咁。。。俾“西”出局嘞~ 唉~ 好彩隊長Steve 够勇兼狠。。。喺近距离连烩两嘢于對方嘅一位女隊員。。。跟住更喺成功搶到旗同带翻大本营啦！

冇幾耐就收到round 2嘅calling嘞；今次醒目咗囖，一落到場嗱嗱聲揾到嗰靓位。有掩护之余又可以狙击敌人~ 就喺呢嗰咁有利嘅位置；我搞掂咗敌方两位成員，其它三位亦俾隊友“辣”低咗。直至用晒嗰50發子弾。。。之後高喊 “冇晒人咗！” 。。。咁更喺隊友搶埋旗就大功告成嘞。。。成嗰round 2直頭靓到痹吖~ 冇隊友俾射中同“西”出局兼攞满分添！

吃完晏後，每一隊好似吃咗啲乜咁；一開戰就聽到啲槍聲“pipi-pakpak”。。。直頭好鬼死激吖！打round 3時有點失手，當走到上次嗰靓位置時。。。以为可以再做多一次狙击手嘅，點知就感觉到自己好似“赖咗嘢”。。。就乱一乱陣脚然后問裁判；當埋翻位時，啲隊友已經喺嚉激戰紧。。。而我就啩住射某一方向嗰陣時。。。就咁一個不留神。。。背後有個敌人叫投降。。。就咁又被“西”咗出局嘞~ 冇幾耐，就全軍覆没咗喇。 最後，打完三個round後只差uncle嗰隊10分啫。。。就咁忍着淚同八强講sayonara喇~

總结就喺，啲feel好鬼靓，又够刺激，啲槍聲又"piak-piak"咁响。。。嘩~ 總知就喺一嗰字。。。掂！

posted on 2005-07-16 22:54  克仔  阅读(828)  评论()    收藏  举报