பேருந்​துகள், ரயில்​களில் முன்​ப​திவு செய்​யாதவர்​களும், திடீரென பயணத்தை திட்​ட​மிட்​ட​வர்​களும் முந்​தைய நாளான 22-ம் தேதி இரவு சென்னை கிளாம்​பாக்​கம் பேருந்து நிலை​யத்​துக்கு வந்​தனர். ஆனால், அங்​கிருந்து திருச்​சி, மதுரை, கோவை, நெல்லை உள்​ளிட்ட முக்​கிய நகரங்​களுக்கு போதிய பேருந்​துகள் இயக்​கப்​ப​டாத​தால் பயணி​கள் கடும் அவதி​யடைந்​தனர். குழந்​தைகள், பெண்​கள் விடிய விடிய பேருந்து நிலை​யத்​திலேயே காத்​திருக்​கும் நிலை ஏற்​பட்​டது. இதனால், பயணி​கள் சாலை மறியலிலும் ஈடு​பட்​டனர். மறு​நாள் காலை 9 மணிக்​குப் பிறகே நிலைமை சீரடைந்​தது.

இதுகுறித்து அரசு விரைவுப் போக்​கு​வரத்​துக் கழக மேலாண் இயக்​குநர் ஆர்​.மோகன் கூறிய​தாவது: கடந்த 21-ம் தேதி வழக்​க​மான 2,092 பேருந்​துகள், கூடு​தலாக 1,339 சிறப்பு பேருந்​துகள் என மொத்​தம் 3,431 பேருந்​துகள் இயக்​கப்​பட்​டு, 1.89 லட்​சம் பேர் பயணம் மேற்​கொண்​டனர். 22-ம் தேதி முதல் 23-ம் தேதி நண்​பகல் 12 மணி வரை, வழக்​க​மான 3 ஆயிரம் பேருந்​துகள், கூடு​தலாக 4,206 சிறப்பு பேருந்​துகள் என மொத்​தம் 7,206 பேருந்​துகள் இயக்​கப்​பட்​டு, 4.38 லட்​சம் பேர் பயணம் மேற்​கொண்​டனர். அந்த வகை​யில், 21-ம் தேதி முதல் 23-ம் தேதி காலை 6 மணி வரை, மொத்​தம் 10,637 பேருந்​துகள் இயக்​கப்​பட்​டு, 6.25 லட்​சம் பேர் பயணம் மேற்​கொண்​டனர். எனவே, பேருந்​துகள் முறை​யாக இயக்​கப்​பட​வில்லை என்ற குற்​றச்​சாட்​டில் உண்மை இல்​லை.