மாணவர் சேர்க்கைக்கான வழிமுறைகள், கலந்தாய்வுக்குரிய தேதி மற்றும் செயல்முறைகள் அனைத்தும் உடனுக்குடன் இணையத்தில் வெளியிடப்படும். இளமறிவியல் வேளாண்மை, தோட்டக்கலை படிப்புகளுக்கு தமிழ் வழியிலும் விண்ணப்பிக்கலாம். வனவியல், உணவு மற்றும் ஊட்டச்சத்து உணவு முறை, பட்டு வளர்ப்பு, வேளாண் வணிக மேலாண்மை ஆகிய இளமறிவியல் பாடங்களும், வேளாண்மை தொழில்நுட்பக் கல்வி பாடப்பிரிவுகளான வேளாண் பொறியியல், உணவுதொழில்நுட்பம், உயிரித் தொழில்நுட்பம், ஆற்றல் மற்றும் சுற்றுச்சூழல் பொறியியல், உயிரித் தகவலியல் மற்றும் வேளாண்மை தகவல் தொழில்நுட்பம் ஆகிய 14 இளமறிவியல் பட்டப்படிப்புகளுக்கு ஒரேயொரு இணைய வழி விண்ணப்பம் மட்டும் போதுமானது.
சேர்க்கை எண்ணிக்கை: வரும் கல்வியாண்டில் உறுப்பு கல்லூரிகளில் மாணவர் சேர்க்கைக்கான எண்ணிக்கை 2,516 ஆகவும், இணைப்பு கல்லூரிகளில் மாணவர் சேர்க்கை 4,736 ஆகவும் இருக்கும். இதில் அரசாங்க இடஒதுக்கீடு 3,051 மற்றும் மேலாண்மை இடஒதுக்கீடு 1,685 ஆகும். சிறந்த விளையாட்டு வீரர்கள், முன்னாள் ராணுவ வீரர்கள், மாற்றுத் திறனாளிகள், அரசு பள்ளியில் பயின்ற மாணவர்களுக்கான 7.5 சதவீதம், தொழில்முறை கல்வி பாடப்பிரிவு, மூன்றாம் பாலினத்தவர் மற்றும் அயலக வாழ் தமிழர்கள் என சிறப்பு ஒதுக்கீட்டுக்கான சேர்க்கை நடைபெறும்.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。