தேர்தலில் அவருக்கு 27 ஆயிரம் வாக்குகளை வாரிவழங்கிய மக்கள், சுமார் 8 ஆயிரம் வாக்குகள் வித்தியாசத்தில் ‘கல்யாணமானவரின்’ துணைவியாரை தோற்கடித்துவிட்டார்கள். தனது சொந்த வாக்குச் சாவடியிலேயே அவரால் சோபிக்க முடியவில்லை. தேர்தல் முடிவுகளுக்குப் பிறகு, எங்கே தவறு நடந்தது என விசாரணை நடத்தியதாம் சூரியக் கட்சி வட்டாரம்.
அப்போது, ‘‘சுந்தரமானவர்’ சுத்துப்போட்டு வேலை செய்ததுதான் தோல்விக்குக் காரணம்” என்று சொன்ன ‘கல்யாணமானவர்’ தரப்பு, வாக்காளர் ‘கவனிப்புக்காக’ தலைக்கு 2 ஆயிரம் வீதம் கொடுத்த பணத்தை எல்லாம் வாக்குச் சாவடி பொறுப்பாளர்களிடம் முறைப்படி தந்துவிட்டதாகச் சொன்னதுடன், பணம் பெற்றுக் கொண்டு பொறுப்பாளர்கள் கையெழுத்துப் போட்டுக் கொடுத்த ஆவணத்தையும் சமர்ப்பித்ததாம்.
இந்த நிலையில், எப்படியோ இந்த ஆவணத்தைக் கைப்பற்றிய விசில் பார்ட்டி வில்லாதி வில்லர்கள், “சூரியக் கட்சி இப்படி லட்சம் லட்சமாய் ஓட்டுக்குப் பணம் கொடுத்ததையும் மீறி மக்கள் எங்களுக்கு ஆதரவளித்திருக்கிறார்கள் பார்த்தீர்களா” என்று இப்போது சமூக வலைதளத்தில் வாள்வீசி வருகிறார்கள்.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。