Updated on
:
1 min read
புதுடெல்லி: கேரள காங்கிரஸ் சட்டப்பேரவை உறுப்பினர்களின் தலைவராக வி.டி.சதீஷன் நியமிக்கப்படுவதாக காங்கிரஸ் மேலிடம் அறிவித்துள்ளது. இதையடுத்து கேரள மாநிலத்தின் புதிய முதல்வராக வி.டி.சதீஷன் விரைவில் பொறுப்பேற்கவுள்ளார்.
கேரளாவில் கடந்த ஏப்ரல் 20-ம் தேதி சட்டப் பேரவைத் தேர்தல் நடைபெற்றது. இதையடுத்து தேர்தல் முடிவுகள் கடந்த 4-ம் தேதி அறிவிக்கப்பட்டன. மொத்தமுள்ள 140 தொகுதிகளில், காங்கிரஸ் தலைமையிலான ஐக்கிய ஜனநாயக முன்னணி (யுடிஎஃப்) 102 இடங்களைக் கைப்பற்றி ஆட்சி அமைக்கும் தகுதியைப் பெற்றது. இதையடுத்து, கேரளாவின் அடுத்த முதல்வரை தேர்வு செய்வதற்கான முயற்சிகளை காங்கிரஸ் கட்சி தீவிரப்படுத்தியது.
இந்நிலையில் காங்கிரஸ் கட்சியின் மேலிட பார்வையாளர்களான அஜய் மக்கான் மற்றும் முகுல் வாஸ்னிக் ஆகியோர் கடந்த 7-ம் தேதி திருவனந்தபுரத்தில் காங்கிரஸ் எம்எல்ஏக்களின் கூட்டத்தைக் கூட்டி விரிவான ஆலோசனை நடத்தினர். இதனிடையே முதல்வர் பதவியைப் பெறுவதற்கு கட்சியின் மூத்த தலைவரும், சட்டப் பேரவை எதிர்க்கட்சித் தலைவராக இருந்த வி.டி.சதீஷன், கட்சியின் மூத்த தலைவர் ரமேஷ் சென்னிதலா ஆகியோரிடையே கடும் போட்டி இருந்தது.
மேலும் கட்சியின் பொதுச் செயலர் கே.சி.வேணுகோபால் பெயரும், முதல்வர் பதவி விவகாரத்தில் அடிபட்டது. இந்நிலையில், காங்கிரஸ் கட்சியின் சட்டப்பேரவைத் தலைவராக அதாவது முதல்வராக யாரை தேர்ந்தெடுப்பது என்பது குறித்து ஒவ்வொரு எம்எல்ஏக்களிடமும் தனித்தனியே கருத்துகளை காங்கிரஸ் மேலிடத் தலைவர்கள் அஜய் மக்கான், முகுல் வாஸ்னிக் ஆகியோர் கேட்டறிந்தனர்.
இதையடுத்து, இந்த கூட்டத்தில் காங்கிரஸ் சட்டப்பேரவைத் தலைவரை தேர்வு செய்வதற்கான முழு அதிகாரத்தையும் காங்கிரஸ் தலைமைக்கு அளிக்கும் ஒருவரி தீர்மானம் ஒருமனதாக நிறைவேற்றப்பட்டது. முதல்வரை தேர்ந்தெடுப் பதில் கடந்த 10 ந ாட்களாக இழுபறி நிலவி வந்தது. இந்நிலையில், வி.டி. சதீஷன், கேரள காங்கிரஸ் சட்டப்பேரவைத் தலைவராக நேற்று தேர்வு செய்யப்பட்டுள்ளார். இதையடுத்து, விரைவில் அவரது தலைமையில் கேரளாவில் கூட்டணி ஆட்சி அமைக்கப்பட உள்ளது. இதனால் வி.டி.சதீஷன் ஆதரவாளர்கள் உற்சாகத்தில் உள்ளனர்.
இத்தகவலை காங்கிரஸ் மூத்த தலைவர்கள் ஜெயராம் ரமேஷ், அஜய் மக்கான், முகுல் வாஸ்னிக், தீபா தாஸ் முன்ஷி ஆகியோர் டெல்லியில் நேற்று செய்தியாளர்களைச் சந்தித்து அறிவித்தனர். 18-ல் பதவியேற்பு இதைத் தொடர்ந்து, வரும் 18-ம் தேதி கேரளாவின் புதிய முதல்வராக வி.டி. சதீஷன் பதவியேற்க உள்ளார். பதவியேற்பு விழாவுக்கான ஏற்பாடுகள் விரைவில் தொடங்கும் என்று காங்கிரஸ் மேலிட வட்டாரங்கள் தெரிவித்தன.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。