Updated on
:
1 min read
லக்னோ: ஐபிஎல் 2026 தொடரின் 32-வது லீக் ஆட்டத்தில், லக்னோ சூப்பர் ஜெயண்ட்ஸ் அணியைத் தங்களின் அபார பந்துவீச்சால் 40 ரன்கள் வித்தியாசத்தில் வீழ்த்தி ராஜஸ்தான் ராயல்ஸ் அணி வெற்றி வாகை சூடியுள்ளது.
ஏகானா மைதானத்தில் நடைபெற்ற இந்தப் போட்டியில், குறைந்த இலக்கை நோக்கி ஆடிய லக்னோ அணி 119 ரன்களுக்கு அனைத்து விக்கெட்டுகளையும் இழந்து ஏமாற்றம் அளித்தது.
முதலில் பேட்டிங் செய்த ராஜஸ்தான் ராயல்ஸ் அணிக்கு ஆரம்பமே பின்னடைவாக அமைந்தது. லக்னோவின் பந்துவீச்சை எதிர்கொள்ள முடியாமல் யஷஸ்வி ஜெய்ஸ்வால் (22) மற்றும் வைபவ் சூர்யவன்ஷி (8) ஆகியோர் விரைவாக ஆட்டமிழந்தனர். முகமது ஷமி, மொஹ்சின் கான் மற்றும் பிரின்ஸ் யாதவ் ஆகியோர் தலா 2 விக்கெட்டுகளைக் கைப்பற்றி ராஜஸ்தானை நிலைகுலையச் செய்தனர்.
இருப்பினும், ரவீந்திர ஜடேஜா நிதானமாக ஆடி 29 பந்துகளில் 43 ரன்கள் சேர்த்து கடைசி வரை ஆட்டமிழக்காமல் இருந்தார். இதன் மூலம் ராஜஸ்தான் அணி 20 ஓவர்களில் 6 விக்கெட் இழப்பிற்கு 159 ரன்கள் என்ற நிலையை எட்டியது.
160 ரன்கள் என்ற எளிய இலக்கை நோக்கி ஆடிய லக்னோ அணிக்கு மிட்செல் மார்ஷ் மட்டுமே ஓரளவு நம்பிக்கையளித்தார். அவர் ஆடி 41 பந்துகளில் 55 ரன்கள் சேர்த்தார். ஆனால், மறுமுனையில் அவருக்குச் சரியான ஒத்துழைப்பு கிடைக்கவில்லை.
கேப்டன் ரிஷப் பண்ட், ஆயுஷ் படோனி, எய்டன் மார்க்ரம் மூவரும் அடுத்தடுத்து ஒரு ரன் கூட எடுக்காமல் ஆட்டமிழந்தனர். ராஜஸ்தான் வேகப்பந்துவீச்சாளர் ஜோப்ரா ஆர்ச்சர் தனது துல்லியமான பந்துவீச்சால் 3 விக்கெட்டுகளை வீழ்த்தினார். நந்திரே பர்கர் மற்றும் பிரிஜேஷ் சர்மா தலா 2 விக்கெட்டுகளைக் கைப்பற்றி வெற்றியை உறுதி செய்தனர்.
இந்த வெற்றியின் மூலம் ராஜஸ்தான் ராயல்ஸ் அணி புள்ளிப்பட்டியலில் இரண்டாவது இடத்திற்கு முன்னேறியுள்ளது. லக்னோ அணிக்கு இது தொடர்ச்சியான நான்காவது தோல்வியாகும். லக்னோவின் மயங்க் யாதவ் இந்தப் போட்டியில் 4 ஓவர்களில் 56 ரன்கள் விட்டுக்கொடுத்து ஏமாற்றமளித்தது அந்த அணியின் பின்னடைவுக்கு ஒரு காரணமாக அமைந்தது.
此内容由惯性聚合(RSS阅读器)自动聚合整理，仅供阅读参考。 原文来自 — 版权归原作者所有。